•പരീക്ഷാതീയതി
രണ്ടാം വര്ഷ ബി.ഫാം (2015 അഡ്മിഷന് - റഗുലര്/2015 ന് മുന്പുള്ള അഡ്മിഷന് സപ്ലിമെന്ററി) ഡിഗ്രി പരീക്ഷകള് ജൂണ് 16 ന് ആരംഭിക്കും. അപേക്ഷകള് പിഴയില്ലാതെ മെയ് 30 വരെയും, 50 രൂപ പിഴയോടെ 31 വരെയും, 500 രൂപ സൂപ്പര്ഫൈനോടെ ജൂണ് 2 വരെയും സ്വീകരിക്കും. റഗുലര് വിദ്യാര്ത്ഥികള് 100 രൂപയും, വീണ്ടുമെഴുതുന്നവര് പേപ്പറൊന്നിനു 20 രൂപ വീതവും (പരമാവധി 100 രൂപ) സി.വി ക്യാമ്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
രണ്ടാം സെമസ്റ്റര് ബി.എഡ് സ്പെഷ്യല് എഡ്യൂക്കേഷന് - ലേണിംഗ് ഡിസെബിലിറ്റി & ഇന്റലക്ച്വല് ഡിസെബിലിറ്റി (ക്രഡിറ്റ് & സെമസ്റ്റര് - റഗുലര് / സപ്ലിമെന്ററി) ഡിഗ്രി പരീക്ഷകള് ജൂണ് 14 ന് ആരംഭിക്കും. അപേക്ഷകള് പിഴയില്ലാതെ ജൂണ് 1 വരെയും, 50 രൂപ പിഴയോടെ 2 വരെയും, 500 രൂപ സൂപ്പര്ഫൈനോടെ 5 വരെയും സ്വീകരിക്കും. റഗുലര് വിദ്യാര്ത്ഥികള് 100 രൂപയും, വീണ്ടുമെഴുതുന്നവര് പേപ്പറൊന്നിനു 20 രൂപ വീതവും സി.വി ക്യാമ്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
•പരീക്ഷമാറ്റി
ജൂണ് 6 ന് നടത്താന് നിശ്ചയിച്ചിരുന്ന നാലാം സെമസ്റ്റര് ബി.എ / ബി.കോം (സി.ബി.സി.എസ്.എസ്-പ്രൈവറ്റ് രജിസ്ട്രേഷന്) ഡിഗ്രി പരീക്ഷകള് ജൂണ് 26 മുതല് നടത്തുന്നതിനായി പുതുക്കി നിശ്ചയിച്ചു. വിശദമായ ടൈംടേബിള് പിന്നീട്.
•പ്രാക്ടിക്കല്പരീക്ഷ
2017 മാര്ച്ചില് നടത്തിയ മോഡല് 1, 2 നാലാം സെമസ്റ്റര് ബി.എസ്.സി. ഫിസിക്സ് ഇ.ഇ.എം / ഇന്സ്ട്രുമെന്റേഷന് (സി.ബി.സി.എസ്.എസ്-റഗുലര് / സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കല് ജൂണ് 7 മുതല് അതാത് കോളേജുകളില് വച്ച് നടത്തും. വിദ്യാര്ത്ഥികള് അസ്സല് ഹാള് ടിക്കറ്റുമായി പരീക്ഷയ്ക്ക് ഹാജരാകണം. എറണാകുളം സെന്റ് തേരേസാസ് കോളേജ്, മഹാരാജാസ് കോളേജ് എന്നീ കോളേജുകളിലെ സപ്ലിമെന്ററി വിദ്യാര്ത്ഥികള് എറണാകുളം സെന്റ് ആല്ബര്ട്സ് കോളേജിലും, ചങ്ങനാശ്ശേരി എസ്.ബി കോളേജിലെ സപ്ലിമെന്ററി വിദ്യാര്ത്ഥികള് ചങ്ങനാശ്ശേരി എന്.എസ്.എസ് കോളേജിലും പരിക്ഷയ്ക്ക് ഹാജരാകേണ്ടതാണ്. വിശദമായ ടൈംടേബിള് സര്വ്വകലാശാലാ വെബ്സൈറ്റില് ലഭ്യമാണ്.
തൃപ്പൂണിത്തുറ ആര്.എല്.വി കോളേജില് 2017 മാര്ച്ചില് നടത്തിയ ഒന്നാം വര്ഷ ബി. എഫ്. എ (റഗുലര് / സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കല് ജൂണ് 5 മുതല് 13 വരെയും, ഫൈനല് ഇയര് (റഗുലര് / സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കല് ജൂണ് 14 മുതല് ജൂലായ് 7 വരെയും നടത്തും. വിശദമായ ടൈംടേബിള് സര്വ്വകലാശാലാ വെബ്സൈറ്റില് ലഭ്യമാണ്.
•പരീക്ഷാഫലം
2015 ഒക്ടോബറില് നടത്തിയ അവസാന വര്ഷ എം.എസ്.സി. ബോട്ടണി (മേഴ്സി ചാന്സ്-2001 ന് മുന്പുള്ള അഡ്മിഷന്) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനര്മൂല്യനിര്ണയത്തിനുമുള്ള അപേക്ഷ ജൂണ് 15 വരെ സ്വീകരിക്കും.
2016 ഓഗസ്റ്റ്, സെപ്റ്റംബര് മാസങ്ങളില് നടത്തിയ രണ്ടാം സെമസ്റ്റര് എം.എസ്.സി. ജിയോളജി (റഗുലര് / സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനര്മൂല്യനിര്ണയത്തിനുമുള്ള അപേക്ഷ ജൂണ് 6 വരെ സ്വീകരിക്കും.
2017 ജനുവരിയില് നടത്തിയ മൂന്നാം സെമസ്റ്റര് എം.എസ്സി. ജിയോളജി (റഗുലര് / സപ്ലിമെന്ററി / ഇംപ്രൂവ്മെന്റ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനര്മൂല്യനിര്ണയത്തിനുമുള്ള അപേക്ഷ ജൂണ് 6 വരെ സ്വീകരിക്കും.
സ്കൂള് ഓഫ് ബയോസയന്സസില് 2017 ജനുവരി മാസത്തില് നടത്തിയ മൂന്നാം സെമസ്റ്റര് എം.എസ്.സി. ബയോകെമിസ്ട്രി / മൈക്രോബയോളജി / ബയോടെക്നോളജി &ബയോഫിസിക്സ് (റഗുലര് / റീഅപ്പിയറന്സ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി.
സ്കൂള് ഓഫ് കമ്പ്യൂട്ടര് സയന്സില് 2017 മാര്ച്ചില് നടത്തിയ മൂന്നാം സെമസ്റ്റര് എം.എസ്.സി. കമ്പ്യൂട്ടര് സയന്സ് ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി.
•പി.എച്ച്.ഡി കോഴ്സ് വര്ക്ക് ഫലം
സ്കൂള് ഓഫ് ഇന്ത്യന് ലീഗല് തോട്ട് 2016 സെപ്റ്റംബറില് നടത്തിയ പി.എച്ച്.ഡി കോഴ്സ് വര്ക്ക് (സി.എസ്.എസ്) പരീക്ഷാ ഫലം പ്രസിദ്ധപ്പെടുത്തി.
•കോളേജ് ഡവലപ്പ്മെന്റ് കൗണ്സില് ഡയറക്ടര്, സ്റ്റുഡന്റ് സര്വ്വീസ് ഡയറക്ടര്, നാഷണല് സര്വ്വീസ് സ്കീം പ്രോഗ്രാം കോ-ഓര്ഡിനേറ്റര് ഒഴിവുകള്
മഹാത്മാഗാന്ധി സര്വ്വകലാശാലയില് കോളേജ് ഡവലപ്പ്മെന്റ് കൗണ്സില് ഡയറക്ടര്, സ്റ്റുഡന്റ് സര്വ്വീസ് ഡയറക്ടര്, നാഷണല് സര്വ്വീസ് സ്കീം പ്രോഗ്രാം കോ-ഓര്ഡിനേറ്റര് എന്നീ തസ്തികകളില് നിയമനത്തിന് അന്യത്ര സേവന നിബന്ധനകള്ക്കും വ്യവസ്ഥകള്ക്കും (ഡെപ്യൂട്ടേഷന്) വിധേയമായി സര്വ്വകലാശാല / കോളേജുകളില് അധ്യാപകരായി ജോലി ചെയ്യുന്ന യോഗ്യരായ ഉദ്യോഗാര്ത്ഥികള്ക്ക് അപേക്ഷിക്കാം. മഹാത്മാഗാന്ധി സര്വ്വകലാശാലയുടെ കീഴിലുള്ള സര്ക്കാര് / എയ്ഡഡ് കോളേജുകളിലെ അധ്യാപകര് സര്വ്വകലാശാലാ സറ്റാറ്റിയൂട്ട് 1997 അദ്ധ്യായം 45 ഖണ്ഡം 20(4) പ്രകാരം അപേക്ഷിക്കേണ്ടതാണ്. അപേക്ഷയുടെ മുന്കൂര് പകര്പ്പും തൊഴില് ദായകനില് നിന്നുള്ള നിരാക്ഷേപപത്രവും സമര്പ്പിക്കണം. യോഗ്യത, പ്രായം, അപേക്ഷാഫീസ് തുടങ്ങിയ വിശദവിവരങ്ങളും, അപേക്ഷാഫോമും www.mgu.ac.in എന്ന വെബ്സൈറ്റില് ലഭ്യമാണ്. പൂരിപ്പിച്ച അപേക്ഷകള് ആവശ്യമായ രേഖകള് സഹിതം രജിസ്ട്രാര്, മഹാത്മാഗാന്ധി സര്വ്വകലാശാല, പ്രിയദര്ശിനി ഹില്സ്, കോട്ടയം-686560 എന്ന വിലാസത്തില് മെയ് 31 ന് മുന്പായി സമര്പ്പിക്കണം.
MAX SHARE
No comments:
Post a Comment