•പരീക്ഷാതീയതി
രണ്ടാം സെമസ്റ്റര് എം.എ / എം.എസ്.സി / എം.കോം / എം.സി.ജെ / എം.എം.എച്ച് / എം.എസ്.ഡബ്ല്യൂ & എം.ടി.എ (2016 അഡ്മിഷന് റഗുലര് സ്റ്റഡി) പരീക്ഷകള്ക്ക് അപേക്ഷകള് ജൂണ് 21 മുതല് 26 പിഴയില്ലാതെയും, 50 രൂപ പിഴയോടെ 27 നും, 500 രൂപ സൂപ്പര്ഫൈനോടെ 28 മുതല് 29 വരെയും ഓണ്ലൈനായി ഫീസടച്ചു രജിസ്റ്റര് ചെയ്യാം. റഗുലര് വിദ്യാര്ത്ഥികളുടെ ഫീസ് പ്രോഗ്രാം തിരിച്ച് ഇ-പേയ്മെന്റ് ആയി അടയ്ക്കണം. ഇന്റേണല് മാര്ക്കുകള് / ഗ്രേഡ് പോയിന്റുകള് പരീക്ഷ ആരംഭിച്ചു 15 ദിവസത്തിനുള്ളില് എല്ലാ നടപടിക്രമങ്ങളും പാലിച്ച് അപ്ലോഡ് ചെയ്യണം. പോര്ട്ടല് ജൂണ് 21 മുതല് തുറക്കുന്നതാണ്. വൈകിയ അപേക്ഷകള് പരിഗണിക്കുന്നതല്ല. 2016 നു മുന്പുള്ള അഡ്മിഷന് ഇംപ്രൂവ്മെന്റ് / സപ്ലിമെന്ററി വിദ്യാര്ത്ഥികളുടെ അപേക്ഷ സ്വീകരിക്കുന്ന തീയതി പിന്നീട് അറിയിക്കും.
നാലാം വര്ഷ ബി.പി.ടി (2008 മുതലുള്ള അഡ്മിഷന് സപ്ലിമെന്ററി) ഡിഗ്രി പരീക്ഷകള് ജൂണ് 30 ന് ആരംഭിക്കും. അപേക്ഷകള് പിഴയില്ലാതെ ജൂണ് 20 വരെയും, 50 രൂപ പിഴയോടെ 21 വരെയും, 500 രൂപ സൂപ്പര്ഫൈനോടെ 23 വരെയും സ്വീകരിക്കും. അപേക്ഷകര് പേപ്പറൊന്നിന് 20 രൂപ വീതം (പരമാവധി 100) സി.വി ക്യാമ്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
നാലാം സെമസ്റ്റര് എം.ബി.എ (പുതിയ സ്കീം - 2015 അഡ്മിഷന് റഗുലര് / 2012 മുതല് 2014 വരെയുള്ള അഡ്മിഷന് സപ്ലിമെന്ററി / സ്പെഷ്യല് പരീക്ഷ) ഡിഗ്രി പരീക്ഷകള് ജൂലായ് 21 ന് ആരംഭിക്കും. അപേക്ഷകള് പിഴയില്ലാതെ ജൂണ് 27 വരെയും, 50 രൂപ പിഴയോടെ 28 വരെയും, 500 രൂപ സൂപ്പര്ഫൈനോടെ ജൂലായ് 3 വരെയും സ്വീകരിക്കും. റഗുലര് വിദ്യാര്ത്ഥികള് 150 രൂപയും വീണ്ടുമെഴുതുന്നവര് പേപ്പറൊന്നിന് 30 രൂപ വീതവും (പരമാവധി 150) സി.വി ക്യാമ്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
•എം.സി.എ മേഴ്സിചാന്സ് പരീക്ഷ
അഫിലിയേറ്റഡ് കോളേജുകളിലെയും സ്റ്റാസിലെയും 2009 & 2010 അഡ്മിഷന് എം.സി.എ വിദ്യാര്ത്ഥികള്ക്ക് രണ്ടാം മേഴ്സിചാന്സും 2007 & 2008 അഡ്മിഷന് എം.സി.എ വിദ്യാര്ത്ഥികള്ക്ക് അവസാന മേഴ്സിചാന്സും എം.സി.എ പരീക്ഷ നടത്തും. അപേക്ഷകള് പിഴയില്ലാതെ ജൂണ് 29 വരെയും, 50 രൂപ പിഴയോടെ 30 വരെയും, 500 രൂപ സൂപ്പര്ഫൈനോടെ ജൂലായ് 5 വരെയും സ്വീകരിക്കും. 2009 - 2010 അഡ്മിഷന് വിദ്യാര്ത്ഥികള് 7000/- രൂപയും, 2007 - 2008 അഡ്മിഷന് വിദ്യാര്ത്ഥികള് 10000/- രൂപയും സ്പെഷ്യല് ഫീസായി നിശ്ചിത പരീക്ഷാഫീസിനും സി. വി ക്യാമ്പ് ഫീസിനും പുറമേ അടയ്ക്കണം. പരീക്ഷാതീയതി പിന്നീട്.
•പ്രത്യേക പരീക്ഷ
കോന്നി എസ്.എ.എസ് - എസ്.എന്.ഡി.പി യോഗം കോളേജില് രണ്ടാം സെമസ്റ്റര് സി.ബി.സി.എസ്.എസ് - ബി.എസ്.സി. മാത്തമാറ്റിക്സ് വിദ്യാര്ത്ഥികള്ക്കായി കോമണ്കോഴ്സ് ഇംഗ്ലീഷിന്റെ 'മ്യൂസിങ്സ് ഓണ് വൈറ്റല് ഇഷ്യൂസ്' എന്ന പേപ്പറിന്റെ പ്രത്യേക പരീക്ഷ ജൂണ് 23 ന് രാവിലെ 9.30 മുതല് 12.30 വരെ നടത്തും.
•പ്രാക്ടിക്കല് പരീക്ഷ
തൃപ്പൂണിത്തുറ ആര്.എല്.വി കോളേജില് നടത്തിയ നാലാം സെമസ്റ്റര് എം.എ മ്യൂസിക് - വയലിന് (സി.എസ്.എസ് - റഗുലര് / സപ്ലിമെന്ററി) 2017 മെയ് / ജൂണ് ഡിഗ്രി പരീക്ഷയുടെ പ്രാക്ടിക്കല് ജൂണ് 19 മുതല് 23 വരെ കോളേജില് വച്ച് നടത്തും. വിശദമായ ടൈംടേബിള് സര്വ്വകലാശാലാ വെബ്സൈറ്റില് ലഭ്യമാണ്.
തൃപ്പൂണിത്തുറ ആര്.എല്.വി കോളേജില് 2017 മാര്ച്ച് / ഏപ്രില് മാസങ്ങളില് നടത്തിയ നാലാം സെമസ്റ്റര് ബി.എ മ്യൂസിക് - വീണ (സി.ബി.സി.എസ്.എസ് - റഗുലര് / സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കല് ജൂണ് 20 മുതല് 22 വരെ കോളേജില് വച്ച് നടത്തും. വിശദമായ ടൈംടേബിള് സര്വ്വകലാശാലാ വെബ്സൈറ്റില് ലഭ്യമാണ്.
•പരീക്ഷാഫലം
2017 ഫെബ്രുവരിയില് നടത്തിയ ഒന്നും നാലും സെമസ്റ്റര് മാസ്റ്റര് ഓഫ് അപ്ലൈഡ് സയന്സ് ഇന് മെഡിക്കല് ഡോക്യുമെന്റേഷന് മേഴ്സിചാന്സ് ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കുള്ള അപേക്ഷ ജൂണ് 27 വരെ സ്വീകരിക്കും.
2016 ഓഗസ്റ്റിലും സെപ്റ്റംബറിലും നടത്തിയ രണ്ടാം സെമസ്റ്റര് മാസ്റ്റര് ഓഫ് കമ്മ്യൂണിക്കേഷന് & ജേര്ണലിസം (പി. ജി. സി. എസ്. എസ് - റഗുലര് / ബെറ്റര്മെന്റ് / സപ്ലിമെന്ററി)ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനര്മുല്യനിര്ണയത്തിനുമുള്ള അപേക്ഷ ജൂണ് 27 വരെ സ്വീകരിക്കും. .
2017 ജനുവരിയില് നടത്തിയ മൂന്നാം സെമസ്റ്റര് മാസ്റ്റര് ഓഫ് കമ്മ്യൂണിക്കേഷന് & ജേര്ണലിസം (പി.ജി.സി.എസ്.എസ് - റഗുലര് / ബെറ്റര്മെന്റ് / സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനര്മുല്യനിര്ണയത്തിനുമുള്ള അപേക്ഷ ജൂണ് 27 വരെ സ്വീകരിക്കും.
സ്കൂള് ഓഫ് ഇന്ത്യന് ലീഗല് തോട്ടില് 2016 ജൂലായ് / ഓഗസ്റ്റ് മാസങ്ങളില് നടത്തിയ രണ്ട്, നാല്, ആറ് സെമസ്റ്റര് ബി.ബി.എ - എല്.എല്.ബി (ഓണേഴ്സ്) ഡിഗ്രി പരീക്ഷകളുടെയും, 2016 നവംബറില് നടത്തിയ പഴയ സ്കീം മേഴ്സിചാന്സ് ബി.എ - എല്.എല്.ബി (ഓണേഴ്സ്) ഡിഗ്രി പരീക്ഷകളുടെയും ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനര്മൂല്യനിര്ണയത്തിനുമുള്ള അപേക്ഷ ജൂണ് 20 വരെ സ്വീകരിക്കും.
ഡോ കെ.എന്. രാജ് സ്റ്റഡി സെന്റര് ഫോര് പ്ലാനിങ് ആന്റ് സെന്റര് - സ്റ്റേറ്റ് ഫിനാന്ഷ്യല് റിലേഷന്സ് 2017 മെയ് മാസത്തില് നടത്തിയ രണ്ടും നാലും സെമസ്റ്റര് എം.എ. ഇക്കണോമിക്സ് (സി.എസ്.എസ് - റഗുലര് / ഇംപ്രൂവ്മെന്റ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി.
സ്കൂള് ഓഫ് പ്യൂവര് ആന്റ് അപ്ലൈഡ് ഫിസിക്സ് 2017 ജനുവരിയില് നടത്തിയ മൂന്നാം സെമസ്റ്റര് എം.എസ്.സി. ഫിസിക്സ് ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി.
•
ഗ്രേസ് മാര്ക്ക് അപേക്ഷാ തീയതി
മഹാത്മാഗാന്ധി സര്വ്വകലാശാലാ കലോത്സവ (നൂപുര-2017) വിജയികളുടെ ഗ്രേസ് മാര്ക്കിനുള്ള അപേക്ഷ പിഴയില്ലാതെ ജൂലായ് 31 വരെ സ്വീകരിക്കും.
•യൂണിയന് ജനറല് കൗണ്സില് പുനസംഘടന: കൗണ്സിലര്മാര് വിവരങ്ങള് സമര്പ്പിക്കണം.
മഹാത്മാഗാന്ധി സര്വ്വകലാശാലാ യൂണിയന് ജനറല് കൗണ്സില് പുനഃസംഘടിപ്പിക്കുന്നതിനായി എല്ലാ അഫിലിയേറ്റഡ് കോളേജികളില് നിന്നും 2016-2017 ലെ കോളേജ് യൂണിയന് തിരഞ്ഞെടുപ്പിലൂടെ യൂണിവേഴ്സിറ്റി യൂണിയന് കൗണ്സിലര്മാരായ അംഗങ്ങള് നിശ്ചിത മാതൃകയിലുള്ള ഫോമില് തങ്ങളുടെ വിവരങ്ങള് ജൂണ് മാസം 20 നു മുന്പായി സര്വ്വകലാശാലയുടെ ഇലക്ഷന് വിഭാഗത്തില് സമര്പ്പിക്കണം.
•എം.ജി ജൈവ സാക്ഷരതാ പദ്ധതി: പരിശീലന പരിപാടി മന്ത്രി മാത്യൂ ടി. തോമസ് ജൂണ് 16 ന് ഉദ്ഘാടനം ചെയ്യും.
സംസ്ഥാന സര്ക്കാരിന്റെ ധനസഹായത്തോടെ എം.ജി സര്വ്വകലാശാല നടപ്പാക്കുന്ന ജൈവകൃഷി സാക്ഷരതാ പദ്ധതിയായ ജൈവം 2017 - ന്റെ പരിശീലന പരിപാടിയുടെ ഔദ്യോഗിക ഉദ്ഘാടനം ജൂണ് 16 ന് മന്ത്രി മാത്യൂ. ടി തോമസ് നിര്വ്വഹിക്കും. സര്വ്വകലാശാലാ അസംബ്ലി ഹാളില് രാവിലെ 10.30 ന് നടക്കുന്ന ചടങ്ങില് വൈസ്ചാന്സലര് ഡോ: ബാബു സെബാസ്റ്റ്യന് അദ്ധ്യക്ഷത വഹിക്കും. സര്വ്വകലാശാലാ ജീവനക്കാര്, റസിഡന്സ് അസോസിയേഷന് അപക്സ് കൗണ്സില് കേരള ജൈവ കര്ഷക സമിതി, പെന്ഷനേഴ്സ് അസോസിയേഷന് എന്നീ സംഘടനകളുടെ പ്രതിനിധികള്, തുടങ്ങിയവര് പങ്കെടുക്കും. ഇതോടനുബന്ധിച്ച് കോളേജ് പ്രിന്സിപ്പല്മാര്ക്കായുള്ള ശില്പശാല ജൂണ് 15 ന് രാവിലെ 11.00 മണിക്ക് സ്കൂള് ഓഫ് കെമിക്കല് സയന്സസ് ഓഡിറ്റോറിയത്തില് സിനിമാ സംവിധായകന് ജയരാജ് ഉദ്ഘാടനം ചെയ്യും. സിന്ഡിക്കേറ്റംഗം ഡോ: കെ. കൃഷ്ണദാസ് ചടങ്ങില് അദ്ധ്യക്ഷത വഹിക്കും. നാഷണല് സര്വ്വീസ് സ്കിം യൂണിറ്റുകളിലൂടെ നടപ്പാക്കുന്ന പദ്ധതിയുടെ മുന്നൊരുക്കമായി പതിനായിരം പേര്ക്ക് പരിശീലനം നല്കും.
SPECIAL UPDATES
################## #######<<#
•എം.ജി. ബിരുദ ഏകജാലകം രണ്ടാം ഘട്ട അലോട്ട്മെന്റ്: ഓപ്ഷനുകള് ജൂണ് 16 ന് വൈകിട്ട് അഞ്ചു മണി വരെ പുനഃക്രമീകരിക്കാം.
ജൂണ് 19 നു നടക്കുന്ന ഡിഗ്രി പ്രവേശനത്തിന്റെ രണ്ടാം അലേട്ട്മെന്റിന് പരിഗണിക്കപ്പെടുന്നതിനായി അപേക്ഷകര്ക്ക് തങ്ങള് നേരത്തെ നല്കിയ ഓപ്ഷനുകള് പുനഃക്രമീകരിക്കുവാന് ജൂണ് 16 ന് വൈകീട്ട് 5 മണി വരെ സൗകര്യമുണ്ടാകും. അപേക്ഷകര്ക്ക് തങ്ങളുടെ ആപ്ലിക്കേഷന് നമ്പര്, പാസ് വേഡ് ഇവ ഉപയോഗിച്ച് ലോഗിന് ചെയ്ത് ഓപ്ഷനുകളില് ആവശ്യമായ പുനഃക്രമീകരണം നടത്താന് സാധിക്കും. എന്നാല് പുതുതായി കോളേജുകളോ, പ്രോഗ്രാമുകളോ കൂടുതലായി കൂട്ടിച്ചേര്ക്കുവാന് ഈ ഘട്ടത്തില് സാധിക്കുകയില്ല. ഒന്നാം അലോട്ട്മെന്റ് വഴി പ്രവേശനം ലഭിച്ച വിദ്യാര്ത്ഥികള്, തങ്ങള്ക്ക് നിലവില് ലഭിച്ച അലോട്ട്മെന്റില് തൃപ്തരാണെങ്കില്, നിലനില്ക്കുന്ന ഹയര് ഓപ്ഷനുകള് 'ഡിലീറ്റ്' ചെയ്യേണ്ടതാണ്. അലോട്ട്മെന്റ് ലഭിച്ച താത്കാലിക പ്രവേശം നേടിയിട്ടുള്ള വിദ്യാര്ത്ഥികള് ഹയര് ഓപ്ഷന് ഡിലീറ്റ് ചെയ്യാതിരിക്കുകയും തന്മൂലം രണ്ടാം അലോട്ട്മെന്റില് പുതുതായി ഹയര് ഓപ്ഷനിലെ മറ്റൊരു പ്രോഗ്രാമിലേക്ക് / കോളജിലേക്ക് അലോട്ട്മെന്റ് ലഭിക്കുകയും ചെയ്യുന്ന പക്ഷം പുതുതായി അലോട്ട്മെന്റ് ലഭിച്ച പ്രോഗ്രാമിലേക്ക് / കോളജിലേക്ക് നിര്ബന്ധമായും പ്രവേശനം നേടേണ്ടതായി വരും. കൂടാതെ അവര്ക്ക് ലഭിച്ച ആദ്യ അലോട്ട്മെന്റ് റദ്ദാക്കപ്പെടുകയും ചെയ്യും. എന്നാല് സ്ഥിരപ്രവേശം എടുത്ത വിദ്യാര്ത്ഥികള് ഹയര് ഓപ്ഷനുകള് 'ഡിലീറ്റ്' ചെയ്യേണ്ടതില്ല.
•കോളേജ് പ്രിന്സിപ്പല്മാരുടെ ശ്രദ്ധയ്ക്ക്
ഡിഗ്രി ഒന്നാം അലോട്ട്മെന്റില് പ്രവേശനം നേടിയ വിദ്യാര്ത്ഥികള് പ്രവേശനം റദ്ദാക്കി പോകുന്ന പക്ഷം അത്തരം വിദ്യാര്ത്ഥികളുടെ വിവരങ്ങള് തത്സമയം തന്നെ ഓണ് ലൈന് അഡ്മിഷന് പോര്ട്ടല് വഴി സര്വ്വകലാശാലയെ അറിയിക്കേണ്ടതാണ്. സമയപരിധിക്കുള്ളില് തന്നെ പ്രവേശം നേടിയ വിദ്യാര്ത്ഥികളുടെ വിവരങ്ങള് ഓണ്ലൈന് പോര്ട്ടലില് അപ്ലോഡ് ചെയ്യേണ്ടതാണ്. ഇത്തരത്തില് നിശ്ചിത സമയ പരിധിക്കുള്ളില് പ്രവേശനം നേടിയ വിദ്യാര്ത്ഥികളുടെ വിവരങ്ങള് അപ്ലോഡ് ചെയ്യാതിരിക്കുന്നതു മൂലം വിദ്യാര്ത്ഥികള്ക്കുണ്ടാകുന്ന കഷ്ട നഷ്ടങ്ങള്ക്ക് കോളേജധികൃതര് ഉത്തരവാദികളായിരിക്കും.
##################### ########
