Informations....

അഫിലിയേറ്റഡ്‌ കോളേജുകളിലെ അഞ്ചാം സെമസ്റ്റർ ബി.എ- ഇക്കണോമിക്‌സ്- സി.ബി.സി.എസ്.എസ്-ഓണേഴ്‌സ് (അണ്ടർ ഗ്രാജുവേറ്റ് പരീക്ഷകൾ - റഗുലർ/റീഅപ്പിയറൻസ്-2013ന് മുതലുള്ള അഡ്മിഷൻ) ഡിഗ്രി പരീക്ഷകൾ 23ന് ആരംഭിക്കും. അപേക്ഷകൾ പിഴയില്ലാതെ 14 വരെയും 50 രൂപ പിഴയോടെ 15 വരെയും 500 രൂപ സൂപ്പർ ഫൈനോടെ 17 വരെയും സ്വീകരിക്കും.
തൊടുപുഴ യൂണിവേഴ്‌സിറ്റി കോളേജ് ഒഫ് എൻജിനിയറിംഗിലെ ഒന്നാം സെമസ്റ്റർ എം.ടെക് (2016 അഡ്മിഷൻ-റഗുലർ) ഡിഗ്രി പരീക്ഷകൾ 21ന് ആരംഭിക്കും. അപേക്ഷകൾ പിഴയില്ലാതെ 14 വരെയും 50 രൂപ പിഴയോടെ 15 വരെയും 500 രൂപ സൂപ്പർ ഫൈനോടെ 17 വരെയും സ്വീകരിക്കും. അപേക്ഷകർ 150 രൂപ സി.വി ക്യാമ്പ് ഫീസായി നിശ്ചിത പരീക്ഷാഫീസിന് പുറമേ അടക്കണം.
ഒന്നാം വർഷ ബി.എസ്‌സി. എം.എൽ.ടി (പുതിയ സ്‌കീം-2008 മുതലുള്ള അഡ്മിഷൻ-സപ്ലിമെന്ററി) ഡിഗ്രി പരീക്ഷകൾ 28 ന് ആരംഭിക്കും. അപേക്ഷകൾ പിഴയില്ലാതെ 16 വരെയും 50 രൂപ പിഴയോടെ 17 വരെയും 500 രൂപ സൂപ്പർഫൈനോടെ 20 വരെയും സ്വീകരിക്കും. അപേക്ഷകർ ഒരുപേപ്പറിന് 20 രൂപ സി.വി ക്യാമ്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
അഫിലിയേറ്റഡ്‌ കോളേജുകളിലെ നാലാം സെമസ്റ്റർ (റഗുലർ), ആറാം സെമസ്റ്റർ (റഗുലർ/ സപ്ലിമെന്ററി) സി.ബി.സി.എസ്.എസ് അണ്ടർഗ്രാജുവേറ്റ് പരീക്ഷകൾ യഥാക്രമം മാർച്ച് 21, 22 തീയതികളിൽ ആരംഭിക്കും. അപേക്ഷകൾ പിഴയില്ലാതെ 20 വരെയും 50 രൂപ പിഴയോടെ 21 വരെയും 500 രൂപ സൂപ്പർഫൈനോടെ 25 വരെയും സ്വീകരിക്കും. അപേക്ഷാഫോമിന് 20 രൂപയും സി.വി ക്യാമ്പ് ഫീസായി റഗുലർ വിദ്യാർത്ഥികൾ 100 രൂപയും വീണ്ടുമെഴുതുന്നവർ ഒരുപേപ്പറിന് 20 രൂപ (പരമാവധി 100) നിശ്ചിത പരീക്ഷാഫീസിനു പുറമേ അടയ്ക്കണം. നാലാം സെമസ്റ്റർ റഗുലർ വിദ്യാർത്ഥികൾ ഓൺലൈനായി കോളേജ് മുഖേന രജിസ്‌ട്രേഷൻ നടത്തണം. ഇംപ്രൂവ്‌മെന്റിന് അപേക്ഷിക്കുന്നവർ 50 രൂപ പരീക്ഷാഫീസിനും സി.വി ക്യാമ്പ് ഫീസിനും പുറമേ അടക്കണം. ഇന്റേണൽ റീ ഡൂ ചെയ്യുന്നവർ ഒരുപേപ്പറിന് 100 രൂപ ഫീസും മാർക്ക്‌ലിസ്റ്റിന് 25 രൂപയും അടയ്ക്കണം. ആറാം സെമസ്റ്റർ വിദ്യാർത്ഥികളിൽ പ്രൊജക്ട് ചെയ്യുന്നവർ പ്രൊജക്ട് ഇവാല്യൂവേഷൻ ഫീസായി 100 രൂപ അടക്കണം. ആറാം സെമസ്റ്റർ വിദ്യാർത്ഥികൾ ആദ്യം എഴുതുന്നവർ പ്രൊവിഷണൽ സർട്ടിഫിക്കറ്റിന് 100 രൂപയുംഗ്രേഡ് കാർഡിന് 100 രൂപയും അടയ്ക്കണം. അപേക്ഷാഫോറം സർവകലാശാലാ വെബ് സൈറ്റിൽ നിന്ന് ഡൗൺലോഡ് ചെയ്യാം.

തീയതി നീട്ടി
ബി.ആർക് പരീക്ഷകളുടെ ഉത്തരക്കടലാസുകളുടെ സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ സർവകലാശാലായിൽ സ്വീകരിക്കുന്ന അവസാന തീയതി 13 വരെയാക്കി നീട്ടി.

പ്രാക്ടിക്കൽപരീക്ഷ
മൂന്നാം സെമസ്റ്റർ എം.എസ്‌സി. മൈക്രോബയോളജി (സി.എസ്.എസ്-2015 അഡ്മിഷൻ റഗുലർ/ സപ്ലിമെന്ററി-2012 മുതലുള്ള അഡ്മിഷൻ) ഡിഗ്രി പരീക്ഷകളുടെ പ്രാക്ടിക്കൽ 15 മുതൽ അതാത്‌ കേന്ദ്രങ്ങളിൽ നടത്തും. വിശദവിവരങ്ങൾ സർവകലാശാലാ വെബ് സൈറ്റിൽ.
2016 ഡിസംബറിൽ നടത്തിയ നാലാം സെമസ്റ്റർ എം.എസ്‌സി. അപ്ലൈഡ് ഇലക്‌ട്രോണിക്‌സ് (റഗുലർ/ സപ്ലിമെന്ററി/ഇംപ്രൂവ്‌മെന്റ്) ഡിഗ്രി പരീക്ഷകളുടെ പ്രാക്ടിക്കൽ, പ്രൊജക്ട്, വൈവാവോസി 15 മുതൽ അതാത്‌ കോളേജുകളിൽ നടത്തും.
2016 ഡിസംബറിൽ നടത്തിയ രണ്ടാം സെമസ്റ്റർ ബി.വോക് റിന്യൂവബിൾ എനർജി ഡിഗ്രി പരീക്ഷകളുടെ ഹാൻസ് ഒൺ ട്രെയിനിംഗ്-വൈവാവോസി 16, 17 തീയതികളിൽ എറണാകുളം സെന്റ് ആൽബർട്‌സ്‌ കോളേജിൽ വച്ച് നടത്തും.
മൂന്നാം സെമസ്റ്റർ എം.എസ്‌സി. ക്ലിനിക്കൽ ന്യൂട്രീഷൻ ആൻഡ് ഡയറ്റിക്‌സ് (സി.എസ്.എസ്-2015 അഡ്മിഷൻ റഗുലർ/ സപ്ലിമെന്ററി-2012 മുതലുള്ള അഡ്മിഷൻ) ഡിഗ്രി പരീക്ഷകളുടെ പ്രാക്ടിക്കൽ 15 മുതൽ 30 വരെ അതാത്‌ കേന്ദ്രങ്ങളിൽ നടത്തും.

പരീക്ഷാഫലം
2015 ഡിസംബറിൽ നടത്തിയ മൂന്നാം സെമസ്റ്റർ എം.എസ്‌സി മൈക്രോബയോളജി ആൻഡ് ബയോകെമിസ്ട്രി-നോൺ സി.എസ്.എസ് സപ്ലിമെന്ററി) ഡിഗ്രി പരീക്ഷാഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ 25 വരെ സ്വീകരിക്കും.
2016 ഫെബ്രുവരിയിൽ നടത്തിയ ഒന്നാം സെമസ്റ്റർ എം.എസ്‌സി അപ്ലൈഡ് ഫിസിക്‌സ്- സി.എസ്.എസ് (റഗുലർ/സപ്ലിമെന്ററി) ഡിഗ്രി സപ്ലിമെന്ററി പരീക്ഷാഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ 25 വരെ സ്വീകരിക്കും.
2016 ആഗസ്റ്റിൽ നടത്തിയ മൂന്നാം സെമസ്റ്റർ എൽ.എൽ.ബി (റഗുലർ/സപ്ലിമെന്ററി ത്രിവർഷ)/ഏഴാം സെമസ്റ്റർ ബി.എ എൽ.എൽ.ബി (പഞ്ചവത്സര) (സപ്ലിമെന്ററി) ഡിഗ്രി പരീക്ഷാഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ 21 വരെ സ്വീകരിക്കും.
2016 ആഗസ്റ്റ്, സെപ്തംബർ, നവംബർ മാസങ്ങളിൽ നടത്തിയ രണ്ട്, അഞ്ച്, ആറ് സെമസ്റ്റർ ബി.എച്ച്.എം (റഗുലർ/സപ്ലിമെന്ററി) ഡിഗ്രി പരീക്ഷാഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ 22 വരെ സ്വീകരിക്കും.

സെക്യൂരിറ്റി ഗാർഡ് ഒഴിവ്
എം.ജി സർവകലാശാലാ സ്‌കൂൾ ഒഫ് മെഡിക്കൽ എഡ്യൂക്കേഷനിൽ ദിവസവേതനാടിസ്ഥാനത്തിൽ സെക്യൂരിറ്റി ഗാർഡിന്റെ താല്ക്കാലിക ഒഴിവുണ്ട്. ജില്ലാ സൈനിക വെൽഫെയർബോർഡിൽ രജിസ്റ്റർ ചെയ്തിട്ടുള്ളവരും 2017 ജനുവരി 1ന് 59 വയസ്സ് കഴിയാത്തവരുമായ ഇന്ത്യൻ പൗരന്മാരായ വിമുക്തഭടന്മാർക്ക് അപേക്ഷിക്കാം. താല്പര്യമുള്ളവർ അപേക്ഷ, പ്രായം, ജാതി, യോഗ്യത എന്നിവ തെളിയിക്കാനുള്ള സർട്ടിഫിക്കറ്റുകൾ സഹിതം 15ന് രാവിലെ 11ന് ആർപ്പൂക്കരയിലുള്ള മെഡിക്കൽ എഡ്യൂക്കേഷൻ ഡയറക്ടറുടെ ഓഫീസിൽ വാക്ക്-ഇൻ-ഇന്റർവ്യൂവിന് ഹാജരാകണം.

എം.ജി കലോത്സവം : ഓൺലൈൻ രജിസ്‌ട്രേഷൻ 12 വരെ നീട്ടി
സർവകലാശാലാ യൂണിയന്റെ ആഭിമുഖ്യത്തിൽ നടക്കുന്ന കലോത്സവം നൂപുര-2017ന് ഓൺലൈനായി 12ന് രാത്രി 12 മണി വരെ രജിസ്റ്റർ ചെയ്യാം. അതിനുശേഷം 15 വരെ പ്രിൻസിപ്പലിന്റെ പ്രത്യേക അനുമതിയോടെ അപേക്ഷിക്കാം. ഫോൺ നമ്പർ : 9747 545 805, 9744 121 987, 9020 255 044.