വൈവാവോസി 2017 ഡിസംബറില്‍ നടത്തിയ നാലാം സെമസ്റ്റര്‍ എംഎ ഇക്കണോമിക്‌സ് (പ്രൈവറ്റ് രജിസ്‌ട്രേഷന്‍) പരീക്ഷയുടെ വൈവാവോസി 26 മുതല്‍ 28 വരെ ആലുവ യുസി കോളജിലും മാര്‍ച്ച് രണ്ടിനു സര്‍വകലാശാലാ കാമ്പസിലെ ഡിപ്പാര്‍ട്ട്‌മെന്റ് ഓഫ് ലൈഫ്‌ലോംഗ് ലേണിംഗ് ആന്‍ഡ്് എക്സ്റ്റന്‍ഷന്‍ കേന്ദ്രത്തിലും നടത്തും. മാല്യങ്കര എസ്എന്‍എം, കാലടി ശ്രീശങ്കര, ആലുവ യുസി, മൂവാറ്റുപുഴ നിര്‍മല, എറണാകുളം മഹാരാജാസ്, എറണാകുളം സെന്റ് തെരേസാസ്, കളമശേരി സെന്റ് പോള്‍സ് എന്നീ കോളജുകള്‍ പരീക്ഷാകേന്ദ്രങ്ങളായി തെരഞ്ഞെടുത്തിട്ടുള്ളവര്‍ ആലുവ യുസി കോളജിലും ചങ്ങനാശേരി എന്‍എസ്എസ്, കോഴഞ്ചേരി സെന്റ് തോമസ്, പാലാ സെന്റ് തോമസ്, കാഞ്ഞിരപ്പള്ളി എസ്ഡി എന്നീ കോളജുകള്‍ പരീക്ഷാകേന്ദ്രമായി തെരഞ്ഞെടുത്തിട്ടുള്ളവര്‍ ഡിപ്പാര്‍ട്ട്‌മെന്റ് ഓഫ് ലൈഫ്‌ലോംഗ് ലേണിംഗ് ആന്‍ഡ്് എക്സ്റ്റന്‍ഷന്‍ സെന്ററിലും വൈവാവോസിക്ക് ഹാജരാകണം. വിശദമായ ടൈംടേബിള്‍ വെബ്‌സൈറ്റില്‍ ലഭ്യമാണ്. 2017 ഡിസംബറില്‍ നടത്തിയ നാലാം സെമസ്റ്റര്‍ എംഎ മലയാളം (പ്രൈവറ്റ് രജിസ്‌ട്രേഷന്‍ റഗുലര്‍, സപ്ലിമെന്ററി) പരീക്ഷയുടെ വൈവാവോസി 26, 27 തീയതികളില്‍ ആലുവ യുസി കോളജിലും മാര്‍ച്ച് മൂന്നിനു ചങ്ങനാശേരി എന്‍എസ്എസ് ഹിന്ദു കോളജിലും നടക്കും. മൂവാറ്റുപുഴ നിര്‍മല കോളജ്, ആലുവ യുസി കോളജ്, എറണാകുളം മഹാരാജാസ് കോളജ്, തലയോലപ്പറമ്പ് ഡിബി കോളജ് എന്നീ കേന്ദ്രങ്ങളില്‍ രജിസ്റ്റര്‍ ചെയ്തിട്ടുള്ള വിദ്യാര്‍ഥികള്‍ ആലുവ യുസി കോളജിലും പത്തനംതിട്ട കാതോലിക്കേറ്റ്, ചങ്ങനാശേരി എന്‍എസ്എസ് ഹിന്ദു കോളജ്, പാലാ സെന്റ് തോമസ്, കുറവിലങ്ങാട് ദേവമാതാ, കട്ടപ്പന ഗവണ്‍മെന്റ് കോളജ് എന്നീ കേന്ദ്രങ്ങളില്‍ പരീക്ഷയ്ക്ക് രജിസ്റ്റര്‍ ചെയ്ത വിദ്യാര്‍ഥികള്‍ ചങ്ങനാശേരി എന്‍എസ്എസ് ഹിന്ദു കോളജിലും വൈവാവോസിക്കു ഹാജരാകണം. വിശദമായ ടൈംടേബിള്‍ സര്‍വകലാശാലാ വെബ്‌സൈറ്റില്‍ ലഭ്യമാണ്. പിഎച്ച്ഡി നല്‍കി അനില തോമസ്, ദിവ്യ എസ്. കേശവന്‍ എന്നിവര്‍ക്ക് മലയാളത്തിലും രാജേഷ് കുനിയിലിന് പൊളിറ്റിക്‌സ് ആന്‍ഡ് ഇന്‍ര്‍നാഷണല്‍ റിലേഷന്‍സിലും സാല്‍വി തോമസിനു ബോട്ടണിയിലും പി.എ. അനുവിന് ബയോസയന്‍സസിലും സിമി എം. വര്‍ക്കിക്കു റീഹാബിലിറ്റേഷന്‍ നഴ്‌സിംഗിലും ഒ.എം. അനുരൂഫയ്ക്ക് എജ്യൂക്കേഷനിലും പിഎച്ച്ഡി. നല്‍കാന്‍ തീരുമാനിച്ചു. പരീക്ഷാഫലം 2017 ഒക്‌ടോബറില്‍ നടത്തിയ അഞ്ചാം സെമസ്റ്റര്‍ ബികോം (സിബിസിഎസ്എസ് മോഡല്‍ ഒന്ന്, രണ്ട്, മൂന്ന് 2015 അഡ്മിഷന്‍ റഗുലര്‍, 2013 മുതല്‍ 2014 വരെ അഡ്മിഷന്‍ സപ്ലിമെന്ററി) പരീക്ഷകളുടെ ഫലം പ്രസിദ്ധപ്പെടുത്തി. പുനര്‍മൂല്യനിര്‍ണയത്തിനും സൂക്ഷ്മപരിശോധനയ്ക്കും മാര്‍ച്ച് ഏഴു വരെ അപേക്ഷിക്കാം. 2017 ഓഗസ്റ്റില്‍ നടത്തിയ നാലാം സെമസ്റ്റര്‍ എംസിജെ ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനര്‍മൂല്യനിര്‍ണയത്തിനും സൂക്ഷ്മപരിശോധനയ്ക്കും മാര്‍ച്ച് ആറു വരെ അപേക്ഷിക്കാം. 'ധര്‍മ്മ' ലോ ഫെസ്റ്റ് യൂണിവേഴ്‌സിറ്റി യൂണിയന്റെ ആഭിമുഖ്യത്തില്‍ നടത്തുന്ന 'ധര്‍മ്മ' ലോ ഫെസ്റ്റ് 23, 24 തീയതികളില്‍ സ്‌കൂള്‍ ഓഫ് ഇന്ത്യന്‍ ലീഗല്‍ തോട്ട് കാമ്പസില്‍ നടത്തും. ഡിബേറ്റ്, ക്വിസ്, ജഡ്ജ്‌മെന്റ് റൈറ്റിംഗ്, തുടങ്ങിയ ഇനങ്ങളില്‍ വിവിധ കലാലയങ്ങളിലേയും സര്‍വകലാശാലയിലേയും വിദ്യാര്‍ഥികള്‍ മത്സരിക്കും. ഒരു ലക്ഷം രൂപ സമ്മാനത്തുകയായി വിജയികള്‍ക്ക് വിതരണം ചെയ്യും.